打下日記先
前日旅行~赤柱~朝早同lawcar&康行去黃埔搭船~
跟住坐焗爐~痴q線!都唔知係咪車黎!??
去到赤柱~同馬馬&陳華~b榮~龍&怡(←呢個怡?)搵地方玩~
本來諗住犯下校規~去左古井(仲要千年既-.-)睇下~仲以為真係個井....
係礁石一堆~隔離係間唔知乜野廟~拜下閃人~後來搵左個沙灘~
冇人既~見到一個個窿~鏟起佢~鏟左隻蟹出黎=.=
結果成日就係捉蟹同玩蟹...lunch都係食麵包~
唉~有錢人未食過平野=__="'跟住繼續玩~捉左好幾隻蟹~
之後演變到打蟹同彈蟹~當佢golf咁打~玩到隻手損埋...
之後我地仲幫呢d勞苦功高既鏟同鎚起左個名~乜定鏟同乜家鎚(有病)-__-'''
走果陣仲插住佢地嚮d沙度~向住個海~仲有枝用黎寫名既塗改液~
都叫埋乜家液插嚮鏟同鎚中間~跟住就走喇~搭車~嘩!!呢d先叫[冷氣]巴士嘛!
去到中環~搭船搭巴士去九龍城篤波~勁耐冇篤過~不過好很貴~
玩完就行番土瓜灣~食飯沖涼訓教!!
第二日起身去海洋公園~未食早餐就上左巴士會佢地~
食左幾塊餅乾~早餐...?去到oceanpark~入場~去山頂~睇魚魚~
跟住玩過山車~玩完又玩~跟住跳下樓~起碼3次~
跟住過隔離玩船x2~全程企晒嚮度~超正!
之後去玩火車~d離心力勁爽!!又係玩左幾次~
玩完去玩激流~勁正呀~冇人!!第一次~濕濕地....
跟住第二次~屈阿sam坐前面~
我地係玩完落船跟住過隔離入口再上番船~仲要猜埋邊個坐前面~
第三次到我坐前面~shit!!對鞋入晒水~超辛苦~之後到b榮~佢又係濕晒~
我起初話邊個唔舉手正契弟~後來發展到邊個唔濕身正契弟~
結果陳華都濕到應~全部濕晒~but我硬係覺得阿sam冇乜濕過-﹏-"
玩完之後~我地4個都好似沖完涼咁....去個咩野天空摩天輪吹番乾對鞋先~
之後落番山~去m記~得馬馬同陳華食~我地只係食左....
一枝百力滋同一粒四洲咖啡糖=0="lunch??
食完野~玩下個咩野森林~睇下恐龍~睇下蝴蝶~沿途係咁搵細路影相~
d細路擺明驚左b榮啦!!!後來探下安安佳佳~好耐冇見過佢地喇~
之後又坐番纜車上山~因為5點有得睇海豚~但係我地又想睇雀雀~
so我地勁趕咁落4條樓梯去百鳥居睇雀~嘩!!真係百鳥居囉~
局部開放~數埋都唔夠三十隻....因為就快有野睇~我地要由最低~
趕去海洋劇場~fxxk!!!4條登山電梯~仲辛苦過跑九仔~
d人係咁話唔好嚮電梯度奔跑~我地理都冇理過=﹏=
上到最頂~見到個嬸嬸~佢問我係咪又下面跑上黎~
我話係~佢就讚我地d後生仔真係好氣=_____="
上到去仲要趕~去到坐低左~有人揀d觀眾去玩~
真唔抵~我見到條友望一望我嫁!!跟住揀左條女呀!!!
呀~冇得摸海豚呀~~~不過d海豚條尾超大力囉!
痴線嫁~游得勁快~仲可以垂直咁游~癲既~
不過佢地個樣勁得意≧▽≦〣
睇完~去玩摩天輪~果陣先發覺~原來摩天輪先係最恐怖既機動遊戲!!!!
跟住玩到輪過山車~閃人~落山~睇埋個動感影院~終於要走lu~
去搭107搭土瓜灣~好好好x n肚餓~點知...塞車/0\
好慘!!番到土瓜灣~第一時間買個格仔餅食先~冇晒錢喇!
番屋企~食個蛋撻~跟住累到訓著左~咁就訓到第二朝~沖涼番學~
周身骨痛~勁累~lunch食飯~睇波~輸一分~唔抵!!
跟住作文~放學~坐下m記~番屋企~除鞋果陣~
見到有隻黃燕企左嚮個窗框上面訓教~我又唔敢捉佢~
結果要等老豆番黎捉番佢~跟住睇電視打日記~~
做阿旺lu~尋晚冇睇到添....
p.s.嘩~打左咁多野~痴左線添~﹏~"'''
呢兩日玩到勁癲~勁happy!!!!!!!!!! | 
